Ky ekran ju ofron përdoruesve një përvojë të ngjashme me shkruarjen në letër, përmes një llojllojshmërie të ngjyrave, stileve dhe gjerësive. Deri në katër persona mund të shkruajnë në të njëjtën kohë duke përdorur çfarëdo objekti si mjet për shkruarje.

Përdoruesit mund të fshijnë shpejtë vizatimet me gisht apo dorë. Tek opsioni i brushës mund të caktoni trashësinë e mjetit si dhe mund të kombinoni ngjyrat sipas dëshirës. Për më tepër, mundeni edhe të shkruani në prapavijë, mjafton ta klikoni butonin e shënimeve. Apo mundeni edhe të përzgjedhni, lëvizni, preni apo editoni çdo imazh. Përfshin edhe funksionin e kalendarit apo planifikimeve. Ka kapacitet deri në 20 faqe për sektor dhe ofron siguri të lartë për mbrojtjen e përmbajtjes.

Ofron konektorë USB, HDMI dhe NFC si dhe shpërndarjen e ekranit me përdorues tjerë që ju mundëson bashkëpunim optimal. Ju mundeni poashtu të lidhni tastierën, mausin apo altoparlantin ashtu që të realizoni takimet tuaja.