Orë Apple Watch Series 6, 40mm, Sport Band, hirtë-zezë

Orë nga marka Apple e cila përmban një varg tiparesh të përsosura teknologjike dhe fizike për performancë të jashtëzakonshme. Korniza ka gjerësi 40 mm dhe përbëhet prej aluminit me ngjyrë të hirtë ndërsa rripi përbëhet nga goma sintetike me ngjyrë të zezë. Ekrani është me prekje përmes së cilit mund të kontrolloni funksionet si matjen e vlerave të zemrës, monitorimin e gjumit, pranimin e mesazheve dhe thirrjeve, planifikimin e aktiviteteve sportive si ecje/fitnes, vrapim, çiklizëm, not, skijim dhe golf. Ekrani Retina është 2.5 herë më i ndritshëm që ju mundëson t’i shihni informacionet edhe në dritë të diellit. Përmban edhe butona kontrolli. Ndër sensorë përfshin altimetër, akselerometër, gjiroskop, oksimetër, busullë dhe ECG. Përmes oksimetrit matni vlerat e sakta të saturimit të oksigjenit në gjak manualisht përmes aplikacionit Blood Oxygen si dhe në mënyrë automatike ditë e natë. Duke mbajtur të shtypur kurorën digjitale brenda 30 sekondave ju përfitoni elektrodiagram që tregon fibrilimin atrial apo ritmin e çrregullt të zemrës ose ritmin sinusal që tregon aktivitet normal.Të pranishëm janë edhe naviguesit si GPS dhe Glonass si dhe mund të dëgjoni muzikë. Përputhet me sistem iOS. Memoria e brendshme ka kapacitet 32GB. Është rezistente ndaj thellësisë ujore 50 metra. Poashtu, mbështet funksionet NFC, WiFi, Bluetooth 5.0. Sistemi operativ është watchOS.