Kujdesi ndaj klientëve

Faleminderit që keni zgjedhur Gjirafa50 për të bërë blerjet tuaja për pajisje teknologjike. Ne jemi të lumtur që keni zgjedhur dyqanin tonë online, dhe jemi vazhdimisht në gatishmëri që tu ndihmojmë që blerja juaj në platformën tonë tu lërë përshtypje sa më të mirë.

Për Gjirafa 50
Pagesat
Çështje teknike
Transporti
Produktet/porositë

Për tu njoftuar më shumë me Gjirafa50.com, ju lutem lexoni informatat në vijim.

Çka është Gjirafa50.com?
Gjirafa50 është platformë e shitjes online, e krijuar nga Gjirafa, Inc. Është dyqan online i specializuar në shitjen e paijsjeve më të fundit të teknologjisë dhe që njëkohësisht janë më të kërkuarat në treg.

Pse Gjirafa50.com?
Në fillimet e saj Gjirafa50, kishte vetëm nga 50 produkte të cilat ishin më të rejat dhe njëkohësisht më të kërkuarat të fushës së teknologjisë.
Tani, Gjirafa50.com është dyqani më i madh online në rajon, që ofron mbi 24,000 produkte të tilla.

Ku gjindet Gjirafa50.com?
Gjirafa50.com është dyqan online dhe si i tillë nuk posedon dyqan fizik.
Mirëpo për korrektësi ndaj klientëve posedon Showroom-in e vet që konsumatorët të kenë mundësi që ti shohin produktet edhe në mënyrë fizike.

Si mund të kontaktoj me Gjirafa50.com?
Që të jemi sa më afër jush, ne i kemi bërë disa mënyra për të kontaktuar. Prandaj, mund të na gjeni në:

- Në Live Chat në faqen tonë
- Në telefon (si dhe Viber dhe Whatsapp): +377 45 101 953
- Me email: [email protected].com
- Në Facebook: facebook.com/Gjirafa50
- Në Instagram me userin: Gjirafa50
- Në Twitter me userin: Gjirafa50
- Në Snapchat me userin: Gjirafa50

Si mund të realizohen blerje në këtë faqe?
Procesi i blerjeve të pajisjeve teknologjike është shumë i thjeshtë. Pasi ta keni hapur faqen me përmbajtjen e specifikave të produktit, ju duhet të klikoni në hapësirën "Shto në shportë" dhe të vazhdoni me procesin e blerjes nëpërmjet butonit “Bëje porosinë”.

Cilat janë mundësitë e pagesave?
Për tu ofruar lehtësi në pagesat tuaja, ofrohen disa mënyra të pagesave për produktet e dëshiruara.
- Përmes kartelave bankare (nga secila bankë)
- Përmes PayPal
- Duke paguar me para në dorë kur bëhet pranimi i produktit.

Çka është PayPal?
PAYPAL është kompani që veprimtarinë e saj e kryen në Internet, dhe si shërbim kryesor ka kryerjen e pagesave dhe transaksioneve monetare online duke bërë transferimin e sigurtë të pagesave nga një individ drejt një biznesi të caktuar të shitjeve online

Me cilat kartela mund ta bëhen pagesat?
Pagesat realizohen me të gjitha llojet e kartelave bankare (kredit apo debit kartela), të të gjitha bankave; si Kosovare poashtu edhe ndërkombëtare.

A mundësohen pagesat me këste?
Pagesat me këste mund të bëhen vetëm nëpërmjet Raiffeisen Bank me kredit kartelat e kësaj banke (jo debit), ku ju mund ta bleni produktin që dëshironi deri në 12 këste.

A bën më lirë?
Çmimet e produkteve nuk janë të negociueshme. Mirëpo për të përfituar nga zbritjet që ofrohen, përveç vizitave në uebfaqen tonë, ju lutem bëni regjistrohuni si konsumatorë me anë të emailit ku më pas do tu vijnë të gjitha njoftimet e zbritjeve dhe të arritjes së produkteve të reja të teknologjisë, poashtu edhe mund të na ndiqni në Facebook, Instagram, Twitter apo Snapchat.

A ofrohet zbritje nëse blihet më shumë se një produkt?
Nëse ju bleni më shumë se një produkt çmimet nuk ndryshojnë. Mirëpo kohë pas kohe Gjirafa50 ka oferta të zbritjeve për të gjithë konsumatorët. Gjithashtu për klientët besnik Gjirafa50 kujdeset që tu bëjë dhurata në vazhdimësi.

A mund të bëhen blerje me kartelën e dikujt tjetër?
Këto blerje tolerohen vetëm atëherë kur personi me kartelën i/e së cilit/cilës bëhet blerja është në dijeni dhe ka dhënë autorizimin. Poashtu, kur plotësoni të dhënat gjatë blerjes së produktit, keni dy adresa: atë të faturimit (me informata si të kredit kartelës), si dhe adresën ku do të bëhet dërgesa.

A përfshihen dogana dhe taksat në çmim?
Dogana dhe taksat janë të përfshira në çmim. Që nënkupton që shuma për të cilën paguani ështe çmimi final për secilin produkt.

A kushton më lirë nëse e blej produktin direkt tek ju?
Çmimi i produktit nuk ndryshon në këtë rast. Por, është një mundësi e mirë për ju që kur të vini për ta marrë produktin, njëherit t’i shihni disa nga produktet tjera në Showroom-in tonë për të cilat keni interesim dhe të informoheni më tepër.

Si të kyçem në Gjirafa50.com?
Nëse veçse keni llogari në Gjirafa.com apo Gjirafa.biz, atëherë ajo llogari vlen edhe për Gjirafa50.com.
Nëse jeni i ri në platformën tonë dhe dëshironi që të regjistroheni në Gjirafa50.com, atëherë pasi të futeni në faqen zyrtare ww.gjirafa50.com, klikoni mbi butonin “Kyçu” që gjendet në pjesën e sipërme të faqes në anën e djathtë, ku do tu shfaqet menyja me opsionet e regjistrimit. Përveç kësaj mënyre, ju edhe mund të kyçeni nëpërmjet llogarisë tuaj në Facebook

Si të kyçem nëse e kam harruar fjalëkalimin?
Derisa jeni duke u kyçur me llogarinë tuaj, dhe në rast se e keni harruar fjalëkalimin, poshtë të dhënave tuaja mund të gjeni opsionin që ju ofron mundësinë e ripërtrirjes së fjalëkalimit tuaj.

A mund të ndryshohen të dhënat e llogarisë?
Në rast se dëshironi të bëni ndryshimin e të dhënave të llogarisë tuaj, pasi të jeni kyçur, klikoni në butonin “Të dhënat e profilit” dhe në këtë mënyrë do tu shfaqet hapësira ku mund të bëni ndryshimet e të dhënave që ju dëshironi.

Si të veproni nëse dëshironi ta mbyllni llogarinë?
Nëse keni vendosur që ta mbyllni llogarinë tuaj, ju lutem kontaktoni në adresën: [email protected] dhe më pas stafi do të përkujdeset për mbylljen e llogarisë tuaj. Pas procesit të mbylljes do ta pranoni një email që konfirmon mbylljen e llogarisë tuaj.

Nëse bëj porosi në Gjirafa50, për sa vie porosia e produktit?
Gjirafa50 ofron dy mënyra transporti:
1. Mënyra Standard, që do të thotë se porosia e bërë tek ju arrin për 6 deri në 10 ditë OSE për 8 deri në 14 ditë në raste të vonesave të mundshme.
2. Mënyra GjirafaSWIFT, që do të thotë se porosia ju vjen brenda periudhës kohore prej 24 deri në 48 orë.
Por ju si klient e keni poashtu mundësinë që të vini direkt në zyret tona për ti marrur produktiet që i takojnë kategorisë së transport SWIFT. Produktin mund ta merrni kurdo që ju konvenon juve (por brenda një limiti kohor).

Për tu informuar më shumë për kodet postare për të gjitha qytetet e Kosovës ju lutemi klikoni mëposhtë :
- Prishtina dhe rrethi I Prishtinës
- Prizreni dhe rrethi I Prizrenit
- Peja dhe rrethi I Pejës
- Mitrovica dhe rrethi i Mitrovicës
- Gjakova dhe rrethi i Gjakovës
- Gjilani dhe rrethi i Gjilanit
- Ferizaji dhe rrethi i Ferizajit

Çka ndodhë nëse nuk gjendeni në shtëpi kur tu vijë porosia?
Para se të niset postieri për tua sjellur porosinë, ne ju kontaktojmë përmes telefonit që të sigurohemi që jeni në shtëpi. Megjithatë, nëse nuk gjindeni në shtëpi ne do tu kontaktojmë edhe ditën e nesërme. Nëse mendoni që nuk mund të jeni në shtëpi kur ne ju informojmë që produkti juaj do të arrijë, atëherë keni mundësi të vini tek zyret tona për ta marrur produktin.

Ku bëhen porositë, dhe ku gjendet porosia ime në faqe?
Porositë bëhen duke klikuar "Shto në shportë" në faqen e produktit. Porositë tuaja mund ti shihni kur të keni klikuar mbi llogarinë tuaj në të djathtë "Emri Mbiemri" dhe pastaj te hapësira "Porositë".

 A janë këto produkte origjinale?
Ne shesim vetëm produkte origjinale. Të gjitha vijnë të mbyllura në paketimet e tyre të prodhuesit. Për më shumë informata rreth secilit produkt, mund të kërkoni me numrin e tij serial nëpër faqet zyrtare të brendeve.

Kur anulohen porositë nga Gjirafa50.com?
- Nëse për çfarëdo arsye porosia e bërë është e dyshimtë, atëherë bëhet anulimi i porosisë dhe dërgohet një email informues lidhur mbi anulimin e porosisë.
- Nëse ju kemi thirrur në telefon për të konfirmuar porosinë e bërë dhe nuk jeni lajmëruar, atëherë ajo porosi do të anulohet ku edhe do të njoftoheni përmes emailit.
- Nëse adresa e shënuar nuk përmban të dhënat e sakta për vendndodhjen tuaj, dhe nëse edhe pas kontaktimit nuk ofroni informatat e nevojshme shtesë, atëherë ajo porosi do të anulohet.
- Nëse dy herë është tentuar që tu sillet porosia në adresën tuaj dhe nuk keni qenë në shtëpi/zyre për ta pranuar atë, atëherë ajo porosi do të anulohet.

A kanë produktet garancion?
Produktet tona posedojnë garancion ndërkombëtar, që do të thotë se në të gjitha pikat e servisimit që janë të autorizuara nga brendet përkatëse mund të bëhet servisimi pa pagesë. Për listën e këtyre pikave të autorizuara ju lutem kontaktoni Kujdesin ndaj Klientit. Nëse nuk ka pika të tilla të autorizuara për brende të caktuara, na e sillni produktin neve dhe brenda 30 ditëve ua kthejmë atë të rregulluar, u ofrojmë ndërrimin e produktit apo u japim kredit në Gjirafa50.com